[Member spoke in Inuktitut as follows:]
ᖁᔭᓐᓇᒦᒃ. ᐃᒃᓯᕙᐅᑖᖅ. ᑕᒪᒃᑯᐊ ᐊᐱᖅᖁᑕᐅᔪᑦ ᐊᒃᓱᕉᑎᒋᓪᓗᒋᑦ ᐊᒻᒪᓗ ᑐᓴᐅᒪᕙᐃᓐᓇᖅᖢᖓ ᒐᕙᒪᑐᖃᒃᑯᓯᒍᑦ ᑮᓇᐅᔭᕐᔪᐊᓂᒃ ᑐᓂᓯᓂᐊᖏᓐᓇᕐᓂᕋᐃᓪᓗᓯ ᑖᒃᑯᐊ ᑐᓵᖏᓐᓇᐅᔭᖅᖢᒋᑦ ᐊᑲᖅᓴᙲᓐᓇᐅᔭᑐᐃᓐᓇᕐᓇᖅᑐᐊᓗᒃ. ᒋᐅᓪ ᑖᓐᓇ ᒪᓕᒐᓕᐅᖅᑎᕐᔪᐊᖃᑎᒐ ᐊᐱᕆᔭᖏᑦ ᐅᕙᓐᓄᑦ ᐊᑦᑐᐊᖓᑐᐃᓐᓇᑦᑎᐊᕐᒪᑕ, ᑭᓯᐊᓂ ᐅᕙᖓ ᐊᐱᕆᔭᒃᑲ ᐃᑎᔪᐊᓘᒃᑲᓐᓂᖅᖢᑎᒃ. ᖃᐅᔨᒪᓂᕋᐃᔪᓯ ᑕᒪᔅᓯ ᐅᖃᓵᖅᑐᓯ, ᐃᒡᓗᑭᒃᓴᕐᓂᖅ ᓄᓇᕗᒻᒥ ᐊᖏᓛᖑᔪᖅ. ᐊᐱᖅᓱᕆᐊᖃᖅᑐᖓ ᖃᐅᔨᒪᑦᑎᐊᒻᒪᕆᒃᑐᖓ, ᐅᑯᐊ ᐊᐱᖅᓱᕈᒪᔭᒃᑲ ᖃᐅᔨᒪᔭᒃᑲ. ᑭᐅᔭᐅᑦᑎᐊᕈᒪᓂᐊᖦᖤᕋᓗᐊᖅᐳᖓ ᐃᒪᓐᓇᑦᑎᐊᖅ ᓱᓕᓪᓗᖓ. ᓯᕗᓪᓕᖅᐹᖅ ᐊᐱᕆᓂᐊᖅᑐᖓ ᐃᓕᖕᓄᑦ ᒥᓂᔅᑕ ᒥᓗ, ᐳᕋᐃᒻ ᒥᓂᔅᑕ ᓄᓇᕗᒻᒨᓚᐅᕐᒪᑦ ᐋᒋᓯᒥᑦ ᐅᖃᓚᐅᖅᖢᓂ ᓴᓂᕐᕙᐃᓯᒪᓂᐊᕐᒪᑕᒎᖅ $306 ᒥᓕᔭᓐᓂᒃ ᓄᓇᕗᒻᒧᑦ ᑐᕌᖓᔪᒥᑦ ᐃᒡᓗᓕᕆᓂᖅ, ᑖᓐᓇ ᐅᓂᒃᑲᐅᑎᑦᑎᐊᒃᑲᓐᓂᕈᖕᓇᖅᐱᐅᒃ ᐊᒡᒍᖅᑐᖅᓯᒪᓂᖓ ᐊᒻᒪᓗ ᖃᓄᖅ ᑐᓂᐅᖅᖃᖅᑕᐅᓂᐊᕐᒪᖔᑦ ᓄᓇᕗᒻᒥᐅᓄᑦ.
[Inuktitut text interpreted as follows:]
Thank you, Mr. Chairperson.
I have heard many questions and I know that the federal government has promised many thousands of monies for many years now and we expect to get the money to build houses. What you asked previously, it impacts me. There are questions I need to ask you on behalf of Nunavut, which are also very important. We have a very bad shortage of housing, probably the worst in Canada.
I have a question. I would like a clear response when I ask you this question.
Firstly, I want to ask Minister Miller, when the Prime Minister visited Nunavut in August, he made a promise to invest $306 million in Nunavut housing. Would you provide a breakdown of when this money will be delivered to Nunavut?