[Member spoke in Inuktitut as follows:]
ᐅᖃᖅᑎ, ᖁᔭᓐᓇᒦᕈᒪᕗᖓ ᐃᓚᐅᔪᖅ ᐅᖃᓪᓚᖃᑖᖅᑐᖅ. ᑖᓐᓇ ᐊᒻᒪᓗ ᐅᕙᖓ ᑲᑎᒪᓚᐅᖅᑐᒍᑦ ᐊᒻᒪᓗ ᑐᑭᓯᓪᓗᓂ ᖃᓄᐃᓕᖓᓂᑦᑎᓐᓂᒃ. ᖃᐅᔨᒪᔪᖓ ᓴᓇᖃᑎᒋᑦᑎᐊᕈᓐᓇᖅᑕᕋᑦᑕᐅᖅ. ᑭᒡᒐᖅᑐᐃᕗᖓ ᐃᓐᑎᐱ, ᐋᕿᒃᓯᓯᒪᕗᖓ ᓴᓇᖃᑎᒋᓂᐊᖅᑕᒃᑲ ᑖᒃᑯᐊ ᐱᓇᓱᐊᖃᑎᒌᑦ ᐱᐅᓯᕚᓪᓕᕐᓂᐊᕐᒪᑕ ᐃᓅᓯᕗᑦ ᐊᒻᒪᓗ ᐃᓄᖁᑎᑦᑕ ᐃᓅᓯᖏᑦ. ᐋᕿᒃᓯᓯᒪᕗᖓ ᓴᓇᖃᑎᖃᕐᓂᐊᕋᒪ ᑖᒃᑯᓂᖓᑦᑕᐅᖅ ᒥᓂᔅᑕᓂᒃ.
ᑲᑎᒪᖃᑎᒋᓚᐅᕐᒥᔭᒃᑲ ᐃᓄᐃᑦ ᑕᐱᕇᑦ ᑲᓇᑕᒥ. ᑲᑎᒪᖃᑎᖃᓚᐅᕐᒥᔪᖓ ᐃᓚᒋᔭᐅᔪᓂᒃᑕᐅᖅ. ᑐᑭᓯᔪᖓ ᑖᓐᓇ ᓴᓇᑎᖃᕐᒪᑦ ᐃᓄᖕᓂᒃ ᖃᓇᑕᒥ ᐊᐅᓚᑦᑎᔨᓂᒃ, ᐃᓄᐃᑦ ᑕᐱᕇᑦ ᑲᓇᑕ, ᑲᓇᑕᒥ, ᑕᐃᒪᓗ ᐅᖃᖅᓯᒪᕗᑦ ᐅᓪᓗᒥ ᐅᕙᓐᓄᑦ. ᐊᔭᐅᖅᐸᑦᓯ ᐃᓚᖏᔭᐅᔪᑦ ᑕᐃᒪᓐᓇᐃᖏᓐᓇᕈᓪᓗᓯ.
ᐃᓚᒋᔭᐅᔪᑦ ᓈᓚᓚᐅᖅᑐᖅ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᓕᖏᓐᓂᒃ ᐊᒻᒪᓗ ᓴᓇᖃᑎᒋᓪᓗᒋᑦ, ᐊᓯᕈᖅᐸᓪᓕᐊᔪᑦ ᐊᑐᐊᒐᐃᑦ ᐱᐅᓂᖅᓴᐅᓕᕐᑎᑦᑎᓂᐊᕋᒥᒃ ᐃᓅᓯᖏᓐᓂᒃ. ᐅᖃᐅᓯᖃᓚᐅᖅᑐᑦ ᐊᒥᓱᐃᖅᖢᑕ ᑮᓇᐅᔭᒃᓴᖅ ᒥᒃᓵᓄᑦ; ᓈᒻᒪᒃᓯᔪᓐᓇᖅᐸᓐᖏᑦᑐᑦ ᑎᑭᐅᑎᓇᓱᒡᖢᒋᑦ ᑕᒪᐃᓐᓄᑦ ᑭᖕᖑᒪᒋᔭᑦᑎᓐᓄᑦ ᐋᕿᒍᑎᓂᐊᕐᓗᒋᑦ ᐃᓗᐊᖏᔾᔪᑎᓄᑦ, ᑭᓯᐊᓂ ᑐᑭᓯᔪᒍᑦ ᓴᓇᖃᑎᒌᒋᐊᖃᖅᑐᒍᑦ ᑲᑐᔾᔨᓗᑕ ᐊᒃᓱᕈᕐᓗᑕ ᐱᐅᓯᕚᓪᓕᕐᑎᑦᑎᔪᒪᒍᑦᑕ ᓱᓇᑐᐃᓐᓇᓂᒃ.
[Inuktitut text interpreted as follows:]
Mr. Speaker, I wish to thank the member who just spoke. He and I met and he understands the situation. I know I can work very well with him. As I represent the NDP, I plan to work with all parties to better our lives and our people's lives. I plan to work with ministers as well.
I also met with Inuit Tapiriit Kanatami today. They met with the member also. I understand that he is working with the Inuit national organization, Inuit Tapiriit Kanatami, of Canada, as they stated to me today. I encourage the member to keep that up.
Members should listen to the indigenous organizations and work with them, changing policies if that can better their lives. We talked a lot about funding; we never have enough to meet all our needs to solve problems, but we understand that we also have to work together very hard to improve things.